UNICEFê banga vegerandina zarokên DAISê li welatên cîhanê kir

PeyamaKurd - Rêxistina Neteweyên Yekbûyî ya Zarokan UNICEF bang li welatên cîhanê kir ku zarokên welatiyên xwe yên malbatên DAIŞê ku li kampên Bakur û Rojhilatê Sûrî dimînin vegerînin.

UNICEFê bi daxuyaniyekê ragihand, ji 60 welatên cuda, nêzî 28 zarokên terorîstên DAIŞê li kampên Bakur û Rojhilatê Sûriyê hene.

Rêxistinê hişyarî da ku êrîşên artêşa Tirkiyê li ser herêmê, dihêle rewş aloztir bibe û ji ber wê jî divê hemû hikumet zarokên welatiyên xwe bigirin.

Heta niha gelek welatan, nemaze yên Ewropî vegera welatiyên xwe yên DAIŞî û endamên malbatên wan red dikin.

Hejmareke mezin a terorîstên DAIŞê û endamên malbatên wan li girtîgehên kampên Rêveberiya Xweser a Rojava de ne û heta niha tenê hejmareke biçûk a zarokan hatine vegerandin.