VÎDEO | Li Tehranê dijî rejîma Îranê xwepêsandanan dest pê kir: ‘Bimre dîktator!’

PeyamaKurd – Piştî 11 rojên xwepêşandanên eyaleta Xuzistanê û navenda wê Ehwazê xwepêşandan derbasî eyaletên din ên Îranê jî bûn û îro li Tehranê jî xwepêşandanan dest pê kir ku diruşmên rejîma dîktator hatin qêrîn.

Li gorî ragihandina BBC û dezgehên medyayî yên din ên cîhanê xwepêşandan li paytexta Îranê Tehranê jî belav bûne û kurtevîdyoyên ji xwepêşandanên xelkê li ser kolanên Tehranê hatin belav kirin.

Hat ragihandin ku îro roja Duşemê li Tehranê bi sedan kes rijiyane ser kolanan û dest bi xwepêşandanê kirine û li dijî rejîmê û dirûşme berz kirine.

Di vîdyoyên hatine belavkirin de tê dîtin ku xwepêşander dibêjin, ‘Mirin ji bo dîktator’ û daxwazê ji polîsan dikin ligel xelkê bin ne ligel desthilatdaran.

#IranProtest
JULY 26 - Tehran #Iran
This is the 12th day of protests expanding across the country & going on in Tehran. pic.twitter.com/DtuOqKpwYT

— ???? ????? ᶰᔕ •°*”˜.•°*”˜ (@Neda_Sab) July 26, 2021

Hêjayî bibîrxistinê ye, 11 roj berê li eyaleta Xuzistanê ji ber nebûna xizmetguzarî, av û elektrîkê xelk daketibûn kolanan û xwepêşandan derbasî Îsfahan, Loristan û Kirmaşan û Tebrîzê jî bûbûn ku hîn jî berdewam dikin.

Rêxistinên mafên mirovan radigihînin ku di wan xwepêşandanan de heta niha 10 xwepêşander ji aliyê hêzên rejîma Îranê ve hatine kuştin.

Proteste in #Teheran. Seit 2019 die ersten. Gegen Stromausfälle, in Rufchören kritisieren sie das System: Nicht #Gaza, nicht #Libanon, unser Leben für den #Iran. Damit kritisieren sie die Finanzspritzen an Hamas und Hisbollah in Mio Höhe, während sie im Dunklen sitzen. pic.twitter.com/GbOZ0H1e2R

— Natalie Amiri (@NatalieAmiri) July 26, 2021