Wê Erdogan û Mehmet Sîmsek bi veberhênerên Amerîkî re bicivin

PeyamaKurd – Serokomarê Tirkiyeyê Recep Tayyip Erdogan, ji bo beşdarî Civata Giştî ya 78. a Neteweyên Yekbûyî (NY) bibe li New York a Amerîkayê ye û tê çaverêkirin, hejmarek hevdîtinan bi berpirsên welatan re bike.

Hate ragihandin ku Erdogan bi şandeke berfireh çûye Amerîkayê ku Wezîrê Xezîne û Darayiyê Mehmet Şîmşek jî li gel wî ye.

Hate diyarkirin ku dê Erdogan û Şîmşek di vê serdanê de, ji bo veberhênerên Amerîkî bikişînin Tirkiyeyê bi wan re bicivin û hewl bidin wan ji bo veberhênanê razî bikin.

Hêjayî gotinê ye, ev demek dirêj e Tirkiye bi krîzeke aborî ya bi taybet zêdebûna enflasyona bihayiyê re rûbirû ye û ji bo veberhênana derve bikişîne bi hejmarek welatên Erebî re di nav danûstandinan de ye.