Wesayîteke polîsan li Amedê pêl ciwanek kir û ew kust

PeyamaKurd - Wesayîta Polîsên Çevîk şevê din li Amedê pêl endezyarê avahîsaziyê yê 33 salî Cîhan Can kir. Can di wê bûyerê de jiyana xwe ji dest da. 

Polîsên Hêzên Çevîk ku ji 20ê mijdara 2018an de li pêş avahiya HDPê ya Amedê barîkat danîne û dorpêç kirine, ciwanê 33 salî yê endezyarê avahîsaziyê Cihan Can qetil kirin.

Cîhan Can

Wesayîta polîsan şevê din li pêş avahiya HDP'ê ya Amedê li Can qeliband û pelçiqand. Di bûyerê de Can jiyana xwe ji dest da. Di dîmenên kamera de jî hat dîtin ku dema Can, di ser kolanê re derbas dibe, wesayîta polîsan li Can diqelibîne û di bin tekerê xwe de dilepçiqîne.

Wesayîta polîsan li Amedê, li Cîhan Can ê 33 salî qelibî û di ser laşê wî re çû.
Ligel ku piştî tekerê pêş di ser Can re derbas bû ajokar ev yek ferq kir û kêliyekê sekinî jî cardin hereket kir û tekerê paş jî di ser Can re derbas bû. Can jiyana xwe ji dest da.
? Dîmenên kêlîyê pic.twitter.com/iephWAdNEC

— Makurdi (@Makurdi4) December 27, 2019

Tevî ku ajokar ferq dike ku Can li pêş wesayîtê ye jî bêyî ku raweste li Can diqelibîne û derbas dibe. Piştî welatiyên der dorê ajokar hişyar dikin radiweste. Piştî bûyerê Can radikin nexweşxaneyek taybet a Amedê. Can ku li cihê bûyerê jiyana xwe ji dest dide, ji bo otopsiyê rakirin Nexweşxaneya Dewletê ya Selahattin Eyyubî. Dema Can rakirin nexweşxaneyê vê carê polîsan Nexweşxaneya Dewletê dorpêç kir. Dema malbata Can û parlamenterên HDP'ê bûyer bihîst hatin nexweşxaneyê.