Wezareta Plandanan a Iraqê: Hewlêr û Bexdayê li ser birêvebirina deriyên sînorî li hev kirin

PeyamaKurd – Berdevkê Wezareta Plandanan a Iraqê Ebdulzehra Hindawî ragihand ku hikûmeta Iraqê û Herêma Kurdistanê li ser birêvebirina deriyên sînorî li hev kirine. Hindawî da zanîn ku serjimêriya Iraq û Herêma Kurdistanê dê di 20ê Mijdara 2024ê de were kirin.

Şanda Hikûmeta Herêma Kurdistanê roja 11ê Kanûnê li Bexdayê bi Serokwezîr Mihemed Şîa Sûdanî, çend wezîr û berpirsên hikûmetê re çend hevdîtin pêk anî. Mijara sereke ya hevdîtinan li ser rêveberiya deriyên sînor bû. Di vê çarçoveyê de şanda mêvan ligel Wezareta Plandanan a Iraqê jî hevdîtinek pêk anî.

Berdevkê Wezareta Plandanan a Iraqê Ebdulzehra Hindawî eşkere kiriye, civîn 3 saetan berdewam kir û gelek mijarên girîng ên girêdayî siyaseta gumrikê li ser asta niştimanî hatin gotûbêjkirin.

Hindawî daye zanîn ku rêveberiya balafirxaneyên Hewlêr û Silêmaniyê, hemû deriyên sînorî, bender û balafirxaneyên Iraq û Herêma Kurdistanê bi berfirehî hatine gotûbêjkirin û got, “Aliyan li ser birêvebirina van xalên girîng ên dewletê nêrînên xwe dan hev. Di dawiyê de lihevkirinek di navbera her du aliyan de çêbû.”

Ebûdulzehra Hindawî diyar kiriye, di civînê de nêrîneke hevpar li ser birêvebirina van xalên derbasbûnê hebû û wiha got: “Ji bo kontrolkirina encamên civînê komîsyonek hat avakirin. Ji bo ku biryarên di meha ewil a sala nû de hatin girtin an na, wê civîneke din were lidarxistin. Bi vî awayî ew maddeyên ku lihevkirine wê bikeve pratîkê û piştre wê raporek pêşkêşî Encûmena Wezîran were kirin.”

Berdevkê Hindawî gotiye, ev pêngav dê bibe qonaxeke girîng ji bo yekkirina îthalat û hinardekirinê û herwiha pênaseyên gumrikê û çareserkirina pirsgirêkên berdewam ên li deriyên sînorî.

Peyvdar Hîndaw diyar kiriye, hikûmeta Iraqê plan dike ku deriyên sînorî elektronîk bike û got, "Hikûmet bi rastî di vê mijarê de bi ciddî ye, bi taybetî di derbarê desthilatdariya deriyên sînor de."

Serjimêrî di 20ê Mijdara 2024an de ye

Hindawî bal kişandiye ser wê yekê ku ew wek Wezareta Plandanan a Iraqê giringiyek mezin didin projeya serjimêriyê û got, "Ji bo bidestxistina daneyan di her warî de pêwîstiya me bi rêjeya nifûsê heye, lê jimar û daneyên pêwîst ên zelal li cem me nînin. . Em hemû amadekariyên xwe yên ji bo serjimartinê didomînin, em plan dikin ku di 20ê Mijdara 2024an de serjimariyeke giştî pêk bînin. Kêmtirî salek maye ji bo cîbicîkirina vê yekê, lewra pêwîstiya me bi avakirina jêrxaneke bihêz heye."

Hindawî daye zanîn ku wê ji formên ku ji bo serjimartinê bên dagirtin jî beşa “etnîk” bê derxistin.