Wezîrê Berevaniya Tirkiyê: Em 15ê Adarê dest bi dewriyeyên hevbes dikin

PeyamaKurd- Li gorî rêkeftina Rûsya û Tirkiyê ya bi navê ‘Rêkeftina Îdlibê’ biryar hatibû dayîn ku dewriyeyên hevbeş yên Rûsya û Tirkiyê bigerin û ew dewriye 15ê Adarê dest pê dikin.

Wezîrê Berevaniya Tirkiyê (MSB) Hulusî Akar, derbarê mijarê de daxuyaniyek da. Wezîrê Tirkiyê li sînorê Hatayê ev daxuyanî da:

“Em dê ji 15ê Adarê û pê ve, li ser rêya serekî ya M4ê dewriyeyên hevbeş bigerînin. Me dest pê kir ku esasen korîdora ewlehiya ya li raserî rêya M4ê pêk werînin. Li ser vê mijarê de, hefteya bê dê şandeke rûsî seredana Enqerê bike. Tiştê em hêvî dikin agirbest, bibe agirbesteke mayînde û xwîn raweste û nêzîkî milyonek kesên ku ji cihûwarên xwe bûne vegerin ser xaka xwe.”

Piştî civîna navbera Tirkiye û Rûsyayê ya li Moskovayê her dû alî rêkkeftibûn. Li gorî wê rêkeftinê, Li ser rêya M4ê wê dewriyeyên Rûsya û Tirkiyê bigerin û li başûr û bakûrê M4ê korîdoreke ewle were dabînkirin.