Wezîrê gihandinê Uraloglu: Navbera Îstenbol û Ankara dadikeve 85 deqeyan

PeyamaKurd – Wezîrê gihandinê yê Tirkiyê Abdulkadir Uraloğlu li ser xebatên çêkirina rêya hesin ya trênê ya navbera Îstenbol-Ankara û ya navbera Çorum-Ankara axifî. Uraloğlu axaftina xwe di civîna baregeha AKPê ya bajarê Çorumê de kir û got:

“Bi trênê ji bajarê Çorumê heya Ankara wê di 1,5ê de herkes karibe here. Ji Ankara heya Îstenbolê niha di 4 seetan de diçin. Eger proje ya Ankara-Îstenbolê biqede wê di 85 deqeyan de karibin herin. An birayekî me ji Çorumê dikare di 2,5-3 seetan de here Îstenbolê. Dema proje biqedin, wê Çorumî karibin bibin xwediyê tora rê ya Mersinê, Entabê û heya Kapıkuleyê.”

Wezîr Uraloğlu, her weha got ku dema tunelên Çorumê di sala 2024an de biqedin, wê di rêya herî kurt de karibin xwe bigihînin Îstenbolê.