Wezîrê Pêsmerge û sekreterê encumena wezîran ji bo projeyasaya çaksaziyan dicivin

PeyamaKurd -  Wezîrê Pêşmerge Şoriş Îsmaîl û Sekreterê Encumena Wezîran Amanc Rehîm ji bo projeyasaya çaksaziyan ya hikûmetê ligel Komîsyona Darayî ya Parlemana Kurdistanê dicivin.

Serokê Komîsyona Darayî ya parlementoya Kurdistanê, Ziyad Cebar got, em ê sibê bicivin û xebatên xwe bo amadekirina raporta xwe li ser projeyasaya çaksaziyan ya hikûmetê bidomînin.

Ziyad Cebar her wiha got, di civîna me ya sibê de Wezîrê Pêşmerge Şoriş Îsmaîl û sekreterê Encumena Wezîran Amanc Rehîm jî beşdar dibin. Ewê bersiva pirsên me yên li ser projeyasaya çaksaziyan bidin.

Beriya niha wezîrên navxwe, darayî û şehîdan bi komîsyona darayî ya parlementoyê re li ser heman mijarê civiyabûn. Lê ji ber kongireya YNKê, wezîrê pêşmerge û sekreterê encumena wezîran nekarîbûn bi komîsyonê re bicivin.