Blinken: Divê Tirkiye F-16an bikire

PeyamaKurd – Wezîrê Karên Derve yê Amerîkayê Antony Blinken diyar kir, divê Tirkiye ji bo fîloya F-16 a heyî ya ku ji bo NATOyê girîng e, balafirên şer ên F-16 û kelûpelên nûjen bikire.

Blinken di Komîteya Têkiliyên Derve ya Meclisa Amerîkayê de, pirs derbarê firotina balafirên F-16 ji bo Tirkiyê û gavên ku Tirkiyê avêtine ji bo ku ev F-16 ji aliyê rêveberiya Joe Biden ve li dijî hevalbend û hevkarên Amerîkayê neyên bikaranîn, hat kirin.

Antony Blinken bersiv da û got, "Em di wê baweriyê de ne ku divê Tirkiye F-16ên nûjenkirî û pakêta nûjenkirina F-16ên heyî werbigire. Em difikirin ku ev ji bo NATOyê, ji bo tifaqê girîng e."

Ji aliyê din ve Blinken diyar kir, ew ji bo kêmkirina rageşiya di navbera hevalbendên NATOyê de dixebitin û ji kiryar û gotinên ku wê bibe sedema aloziyê dûr bikevin û ev daxuyanî da.

"Heyama xebatên me yên bi Tirkiye, Yûnanîstan an jî hevalbendekî din ê NATOyê re ew e ku em wan amûr û teknolojiya ku bi tevahî bi hev re li hev bikin hene. Di heman demê de, helbet heke di navbera wan de nakokî derkeve, em piştrast dikin ku her amûr an teknolojiya ku em pêşkêş dikin di wan nakokiyan de nayên bikar anîn."