Mexmûr | Terorîstên DAISê 11 kes revandin

PeyamaKurd – Li sînorê Mexmûrê terorîstên DAIŞê şeva borî kemînek danîn û 11 kes revandin

Li gor zanyariyan, derengê şeva borî çekdarên DAIŞê li sînorê Mexmûrê bi cil û bergên leşkerî xaleke kontrolê danîne û 11 kes revandine.

Herwiha hat bi destxistin, DAIŞê ji wan 11 kesan, 5 kes berdane û 6 kesên din li cem wan in.

Zanyarî destnîşan dikin, sê kes li xala kontrolê ya çekdarên DAIŞê ranewestiyane û çekdaran gulle berdane û birîndar bûne ji bo tedawiyê ew birine nexweşxaneya Mexmûrê.

Hêjayî gotinê ye; ji wan kesên ku hîn di destê çekdarên DAIŞê de ne, 2 kes Kurd in û 2 kes jî Ereb in.