Zelenskiy: Balafirên Îranê, rewsê xeter dikin

PeyamaKurd- Serokê Dewleta Ukraynayê Volodimir Zelenskiy, li ser hesabê xwe yê Telegramê daxuyaniyek da û rewşa dawî ya şerê navbera Ukrayna û Rusyayê nirxand. Zelenskiy eşkere kir ku balafirên Îranê yên bêmirov, rewşa şer dijwar kirine.

Volodimir Zelenskiy, di daxuyaniya xwe de bal kişand ser êrîşên dawî yên Rusyayê û diyar kir ku hger Îranê ji bo Rusyayê çek peyda nekiribûya, niha ew ê hîn zêdetir nêzîkî aştiyê bûbûna.

Zelenskiy, di axaftina xwe de qala axaftina ligel Seroka Komîsyona Yekîtiya Ewropayê (YE) Ursula von der Leyen jî kir û da zanîn ku wan hûrgiliyên alîkariya darayî nirxandine.

Serokê Dewleta Ukraynayê, qala helwesta Îranê jî kir û Îranê bi dirêjkirina şer tawanbar kir ku ji ber ew ji bo Rusyayê çekan dabîn dike, şerê navbera Rusya û Ukraynayê dirêj dibe.

Zelenskiy li ser mijarê da zanîn ku divê di vê mijarê de raya giştî ya cîhanê bertekên xwe bi awayekî zelal nîşanî Îranê bide.