4 welatan banga vegera li peymana nukleerî li Îranê kir

PeyamaKurd – Welatên Amerîka, Almanya, Brîtanya û Fransayê bang li Îranê kirin ku li peymana nukleerî ya sala 2015an hatibû îmzekirin vegere.

Berdevkê Wezareta Derve ya Amerîkayê Ned Price da xuyakirin ku îro li Lûtkeya G20an a bajarê Balî yê Endonezyayê, Wezîrê Derve yê Amerîka Antony Blinken ligel Wezîra Derve ya Fransa Catherine Colonna, Wezîra Derve ya Almanya Annalena Baerbock û Berpirsê Bilind ê Wezareta Derve ya Brîtanyayê Tim Barrow li ser bernameya nukleerî ya Îranê gotûbêj kirin.

Hat ragihandin ku di hevdîtinê de, plana vegera Îranê bo Peymana Nukleerî hatiye axaftin û li ser pabendbûne ku Îran dev ji daxwazên ne pêwîst berde û derham vegere peymana nukleerî ya ku Amerîka di heyama Trump de sala 2018an jê vekişiyabû.

Price herwiha da zanîn ku di hevdîtinê de mijara şerê Rûsya û Ukraynayê jî hatiye axaftin û ji bilî hewlên ewlekarî û alîkariyên mirovî ewlehiya xurekê jî hatiye nirxandin.