Berhem Salih: Mixabin mirinê nehist Dr. Firset Sofî zêdetir xizmeta Hewlêr û Kurdistanê bike

PeyamaKurd - Serokomarê Iraqê Berhem Salih li ser wefata Parêzgarê Hewlêrê Firset Sofî peyameke sersaxiyê belav kir.

Berhem Salih di peyama xwe de got: “Mixabin mirinê nehişt Dr. Firset zêdetir xizmeta avakirin û pêşvebirina Hewlêrê û Kurdistanê bike.”

Peyama Serokomarê Iraqê:

“Mixabin agahiya koça dawî ya Parêzgarê Hewlêrê Firset Sofî gihişte min. Dr. Firset Sofî parêgarekî jêhatî û xemxur bû. Di wê dema kêm a erkê xwe de dewsa destê wî diyar e û dixwest xizmeta bajêr bike.

Firset Sofî hiqûqnasekî jêhatî û parlementerekî serkeftî bû. Mixabin mirinê nehişt Dr. Firset zêdetir xizmeta avakirin û pêşvebirina Hewlêrê û Kurdistanê bike.

Ez sersaxiya malbat û xizmên wî dixwazim û di Yezdanê mezin daxwaz dikim ku wî bi bihişta xwe şad bike.

Înna Lîllah We Înna Îleyhî Racîûn (Em ji Xweda hatin û em ê dîsa vegerin ba Xweda)

Dr. Berhem Salih

Serokomarê Iraqê”