Biryarên civîna Lijneya Bilind a Koronayê hatin eskerekirin

PeyamaKurd - Berdevkê Hikûmeta Herêma Kurdistanê Dr. Cotiyar Adil piştî civîna îro ya Lîjneya Bilind a Rûbirûbûna Koronayê bi civîneke rojnemevanî ragihand ku wê perwerde weke niha berdewam bike û biryarên civînê eşkere kirin.

Lîjneya Bilind a Rûbirûbûna Koronayê îro 14ê Cotmehê bi serperiştiya Wezîrê Navxwe yê Herêma Kurdistanê Rêber Ehmed, Wezîrê Tenduristiyê Dr. Saman Berzincî û çend wezîr û serokên encûmenên parêzgehan civiyan.

Piştî civînê Dr. Cotiyar Adil li ser naveroka civîna Lîjneya Bilind a Koronayê zanyarî dan û got, biryar hatiye dayîn perwerde weke niha berdewam bike û tedbîrên xweparastina ji Koronayê wê berdewam bin.

Adil tekez kir, wê hemû alî berdewam bin j bo cîbicîkirina tedbîrên nexweşiya Koronayê de û wê perwerde jî berdewam bike.

Cotiyar Adil got ku her kesê maskê bikar neyîne wê were cezakirin û wê li hemû dezgehên hikûmî tedbîrên xweparastina ji Koronayê berdewam bikin.