Efrîn | Çekdaran bi îdiaya ku ne bi rojî ne 3 welatiyên Kurd revand

PeyamaKurd – Hat ragihandin ku li herêma Efrînê ya Rojavayê Kurdistanê ku ji aliyê artêşa Tirkiye û komên çekdarên opozîsyonê ve ji sala 2018an ve hatiye dagirkirin, 3 welatiyên din ên ji Efrînê hatin revandin.

Tora Çalakvanên Efrînê ragihandiye ku çekdaran bi behaneya ku ne bi rojî ne, li Efrînê 3 welatiyên Kurd ên bi navên; Mistefa Zekî, Azad Beyrem û Farûq Kerk revandin.

Heman çavkaniyê daye xuyakirin ku ku çekdaran îşkence li wan welatiyan kiriye û piştî ragirtina 3 rojan jî li beramber 200 dolarî ew berdane.

Li aliyê din li Ezazê jî çekdarên bi navê Polîsên Leşkerî welatiyê bi navê Kawa Silêman ê ji Mabatilî ku dixwest vegere Efrînê revandine û ji bo berdana wî jî 10 hezar dolaran ji malbatê dixwazin.