ENKS îro banga General Mezlûm dibersivîne û biryara xwe dide

PeyamaKurd - Encûmena Niştimaniya Kurd li Sûriyê (ENKS) îro Şemiyê (23.11.2019) banga Fermandarê Giştî yê Hêzên Sûriya Demokrat (HSD) Generela Mezlûm  dibersivîne û biryara xwe dide.

Endamê rêveberiya Tevgera Pêşerojê, ku nav ENKSê de ye Cîhad Heso ragihand, encûmena wan ev çend roj bi çendîn mijaran re  re mijûl in û yek ji wan jî banga fermandarê giştî yê HSDê Mezlûm Kobanî û TEV-DEMê ye. Cîhad Heso got, îro wê ENKS biryara xwe bide û bersiva Mezlûm Kobanê bide.  

ENKS: Divê PYD û TEV-DEM xwe ji PKKê cuda bikin û ENKSê nas bikin

Cîhad Heso diyar kir mercê ENKSê ew e, divê PYD û TEV-DEM xwe ji PKKê cuda bikin û ENKSê nas bikin û pirsa Pêşmergeyên Rojava jî divê zelal bibe.

Berî niha nûnerê ENKSê li herêma Kurdistanê Ebdulkerîm Mîranî ji re ragehandibû ku bi serpereştiya Mezlûm Ebdî (Kobanî) di navbera şandeka ENKSê û TEV-DEMê de hevdîtinek pêk hatiye lê tu rêkeftin pêk nehatibû.

‘Civîn li ser daxwaza Generela Mezlûm pêk hat’

Herwiha Cîhad Heso got, civîn li ser daxwaza Mezlûm Kobanî pêk hatiye û wan jî qebûl kiriye, ku yekrêzî di navbera Kurdên Rojava de ava bibe.