Ewropa amadekariya danîna dorpêçên bilez û bi bandor li ser Îranê dike

PeyamaKurd – Yekîtiya Ewropa (YE) ku çend roj berê ji ber tepeserkirina protestoyên piştî kuştina Jîna Emînî dorpêç danîbû ser 11 berpirsên ragihandin û ewlekariya Îranê, amadekariya sepandina dorpêçên bilez û bi bandortir li ser Îranê dike.

Berdevka Komîsyona Ewropayê Nabila Massralî ragihand, "Êdî me delîlên têr û tije berhev kirin. Ji bo bersiveke zelal, bilez û bibandor xebatên Konseya YEyê dewam dikin.”

Hêjayî gotinê ye, Yekîtiya Ewropa hem ji bo bikaranîna dronên Îranê li Ukraynayê hem jî ji bo tepeserkirina protestoyên li Îran û Rojhilatê Kurdistanê ji bo ferzkirina dorpêçên nû li ser Îranê dixebite ku yekem car di civîna 17ê Cotmehê ya Wezîrên Derve yên Yekîtiya Ewropayê de ew mijar hatibû rojevê.