Gefên Koreya Bakur ji bo Amerîkayê: Em weke ragihandina ser dibînin!

PeyamaKurd – Di daxuyaniya ji aliyê Wezareta Parastinê ya Koreya Bakur ve hat dayîn de hat ragihandin, ger Amerîka êrîşî peyka sîxûrî ya ku şandiye ortê bike, wê wek "daxuyaniya şer" bê dîtin.

Digel ku piştî Koreya Bakur peykek sîxûrî avêt orbitê, li herêmê alozî zêde bû, rêveberiya Pyongyang careke din Amerîka berteng kir.

Di daxuyaniya Wezareta Parastinê ya Koreya Bakur da wiha hat gotin:

"Her êrîşek li ser samanên fezayî yên Koreya Bakur wê wekî ragihandina şer were hesibandin. Pisporên leşkerî yên Amerîkî diyar dikin, Hêza Fezayê ya Amerîkî ne tenê dikare satelaytan û stasyonên bejayî yên dijmin bi awayekî fizîkî îmha bike, di heman demê de bi rêgir û êrîşên sîberî wan jî bêbandor bike. Dijminatiya Hêza Fezayê ya Dewletên Yekbûyî yên Amerîkayê li hember peyka sîxuriyê ya Koreya Bakur, tu carî nayê paşguh kirin ku li dijî serweriya Koreya Bakur û îlankirina şer e."

Di daxuyaniyê de hat destnîşankirin, li gorî hiqûqa navneteweyî, her tişta ku ber bi fezayê ve bê avêtin, dikeve rayeya dewleta ku avêtiye fezayê û wiha hat gotin: "Ev tê wê wateyê ku peyka sîxuriyê Malligyong-1 di nava herêma serweriya Koreya Bakur de ye."

Ji aliyê din ve, di daxuyaniyê de hat rexnekirin ku peyka sîxuriyê ya Koreya Bakur li nîvgirava Koreyê gelek satelaytên Amerîkayê hene û wiha hat gotin, "Eger peyka sîxuriyê ya Koreya Bakur weke tehdîdeke leşkerî bê dîtin, divê ji aliyê Amerîkayê ve ji holê bê rakirin û her roj Nîvgirava Koreyê hilweşîne. Gelek satelaytên sîxur ên ku li ser Koreya Bakur difirin, ku tenê çavdêriya xalên stratejîk ên girîng in, divê wekî hedefên bingehîn ên ku ji hêla hêzên çekdar ên Koreya Bakur ve werin hilweşandin werin dîtin."