Girêka Parêzgariya Kerkûkê: Ereb û Tirkmen li dijî Kurdan in

PeyamaKurd – Di demeke ku Ereb û Tirkmen li ser kursiya parêzgariya Kerkûkê li hev dikin, Kurd dixwazin posta ji destpêkê ve weke mafê xwe didîtin, paşde bi dest bixin.

Rakan Cûbûrî ku bi eslê xwe Ereb e, ev 5 sal in Parêzgarê Kerkûkê dike. Cûbûrî ku li ser navê Erebên li Kerkûkê kêmîn e, kursiya parêzgariyê zeft kir, naxwaze dest ji kursiya xwe berde.

Berdevkê Meclîsa Yekgirtî ya Ereban Ezam Hemdanî ji K24ê re diyar kiriye: “Baweriya me bi destûrê heye, lê em ditirsin ku qeymeqam ji Kurdan re bê dayîn. Em li benda hilbijartinên encumenên parêzgehan in ku pirsgirêk çareser bibin."

Eniya Tirkmen a Iraqê (ITC) ku berê mafê parêzgariyê girtibû ser xwe, amade ye ku Rakan Cûbûrî li ser wezîfeya xwe bimîne.

Berpirsê ITFê yê Kerkûkê Kahtan Vendavî jî got, “Birayê me Rakan bi wekalet parêzgar bû. Niha ji bo diyarkirina parêzgarê nû em li benda hilbijartinên encumenên parêzgehê ne.”

Ji bo Kurdên ku parêzgariyê wek mafê xwe dibînin, Partiya Demokrata Kurdistanê (PDK) û Yekîtiya Niştimaniya Kurdistanê (YNK) di hevrikiyê de ne.

Berpirsê PDKê yê Kerkûkê Mihemed Hurşîd jî got, “Kursiya parêzgariyê ne girêdayî tu aliyekî ye. Tu carî nebû milkê YNKê. Piştî sala 2003ê Abdurrahman Mistefa bû Parêzgarê Kerkûkê û piştî wê jî di encama rêkeftina PDK û YNKê de Dr. Necmeddîn Kerîm bû. Bi dîtina min ger erka parêzgariyê di destê Kurdan de be, divê bi lihevkirina van partiyan be.”

Cîgirê berpirsê YNKê yê Kerkûkê Şerzad Semed jî got, “Di warê mûçeyê hilbijartinan de, YNK wê israr bike ku posta parêzgariyê bigire. Lewma pêwîst nake PDK di vê mijarê de bi YNKê re hevrikiyê bike. Ger berjewendiyên Kurdan li ber çavan bê girtin divê Parêzgarê Kerkûkê Kurd be.”

Piştî 16ê Cotmeha 2017ê proseya guhertina rêveberî û erebkirinê li Kerkûkê dest pê kir. Dema ku ev pêkanîn dihatin kirin, qeyûm dihatin bikaranîn. Tê çaverêkirin ku heta hilbijartinên encumenên parêzgehan rewşa Kerkûkê neyê guhertin.