Hêzên Amerîkî nehistin hêzên Rûsî derbasî deriyê Sêmalka bibin

PeyamaKurd – Li Rojavayê Kurdistanê, hêzeke Amerîkî rê li berd dewriyeyeke Rûsî girt ku dixwest biçe Deriyê Sînorî yê Sêmalka û nehişt derbas bibe.

Hat ragihandin ku bûyer roja Sêşemê 25ê Tebaxê rû daye û dema ku 3 wesayitên serbazî yên Rûsyayê dixwestin ji Qamişlo biçin Deriyê Sêmalka yê Sînorî, hêzeke Amerîkî ku ji 4 wesayitên zirxî pêk dihat, rêgirî li dewriyeya Rûsî kir û nehişt derbas bibin.

Çavkaniylên xwecihî diyar kirine ku hêzên Amerîkî li nêzîk bajarokê Tirbespiyê ew dewriyeya Rûsî ragirtine û neçar kirine ku vegere binkeya xwe ya li bajarê Qamişlo.

Hêjayî gotinê ye, ev gelek car çêdibin ku li nav herêmên di bin kontrola HSDê de, hêzên Amerîkî û Rûsî têne beramber hev û rêgiriyê li hev dikin.