Hêzên Rûs-Tirk li dorûbera Kobanê dewriye gerandin

PeyamaKurd - Polîsên leşkerî yên Rûsyayê û leşkerên artêşa Tirkiyê dewriyeyeke hevbeş li ser sînorê rojavayê Kobanê pêk anî.

Hat ragihandin ku dewriye bi beşdariya 4 panzêrên her aliyekî û bi çavdêriya 2 helîkopterên Rûsyayê ji gundê Aşmê yê li ser sînorê rojavayê bajarê Kobanê dest pê kir.

Rêgeha dewriyeya Rûs-Tirk gundên Çarqila Jorîn, Çarqila Jêrîn, Dîkmedaş, Selîb, Siftek, Til Şiîr, Sim Sosan, Qolî û Meşko ye û li gundê Aşmê jî bi dawî bibe.

Rûsya û Tirkiyê piştî êrîşên artêşa Tirkiyê bi ser Rojavayê Kurdistanê de ku Girê Spî û Serê Kaniyê hat dagirkirin, ji bo parastina sînoran li hev kiribûn ku di wê çarçoveyê de ji serê salê ve dewriyeyên hevbeş pêk tînin.