Hizbullaha Lubnanê: Divê Rojavayê Kurdistanê bikeve bin desthilata hikûmeta Sûriyê

PeyamaKurd – Emîndarê Giştî yê Hizbullaha Lubnanê Hesen Nesrullah, di gotarareke xwe de, tekezî li ser kontrolkirina hemû axa Sûriyê ji aliyê hikûmeta Şamê ve kir û da zanîn, divê Rojavayê Kurdistanê bikeve bin desthilata hikûmeta Sûriyê.

Hesen Nesrullah îro Pêncşemê 19ê Tebaxê destnîşan kir: “Divê navçeyên Bakurê Rojhilatê Sûriyê bikeve bin desthilata hikûmeta Sûriyê.”

Nesrullah rexne li hebûna hêzên Amerîkayê di nav axa Sûriyê de girt û eşkere kir: “Amerîkî ji bo parçekirina Sûriyê li wî welatî ne.”

Emîndarê Giştî yê Hizbullaha Lubnanê eşkere kir:  “Amerîkî petrola Sûriyê didizin û ber bi Iraqê ve dibin.”

Hesen Nesrullah daxwaza vekişîna hêzên Amerîkayê ji Iraq û Sûriyê kir û diyar kir, “Hêzên dagîrker divê ji navçeyê vekişin.”