Îmarat: Karwanê alîkariyên ewil bi rêya bejahî gihist bakurê Serîda Xezzeyê

PeyamaKurd – Mîrektiyên Yekbûyî yên Ereb (Îmarat) ragihand ku karwanê alîkariyên ewil bi rêya bejahî gihişt bakurê Şerîda Xezzeyê.

Di daxuyaniya nivîskî ya ku ji aliyê Fermandariya Operasyonên Hevbeş a Wezareta Parastinê ya Îmaratê ve hat dayîn de wiha hat gotin: "Konvoya alîkariyê ya Îmaratê ku ji 17 kamyonan pêk tê cara ewil bi rêya bejahî gihîşt bakurê Xezzeyê."

Di daxuyaniyê de hate gotin ku di karwanê de ku zêdetirî 370 ton alîkariyên mirovî tê de hebûn, xwarin, pêdiviyên pizîşkî û cil û berg û alav û alavên pêwîst ji bo penaberan hene.

Di daxuyaniyê de herwiha hat diyarkirin ku alîkariyên mirovî cara ewil bi rêya bejahî û bi rêya welatekî re derbasî bakurê Xezzeyê bûne.

Ji aliyê din ve di daxuyaniya Wezareta Parastinê de hat ragihandin ku Îmarat bi hevkariya Hêza Hewayî ya Misrê cara 29emîn alîkariyên esmanî davêje herêmên li bakurê Şerîda Xezzeyê.

Di daxuyaniyê de hat diyarkirin ku 85 ton malzemeyên alîkariyê yên însanî yên ku ji aliyê 5 balafiran ve ber bi erda vala ya li bakurê Şerîda Xezzeyê ve hatin avêtin ji xwarin, cil û bergên cejnê, pêlav, pêlîstok, şêranî û berhemên curbecur pêk tên.