Ji Macaristanê sok li Swêdê! Dengdana xwe ya NATOyê pas xist!

PeyamaKurd – Ji ber ku di rûniştina meclîsê ya taybet a ku ji aliyê muxalefetê ve li Macarîstanê hatibû destpêkirin de ji bo erêkirina tevlîbûna Swêdê ya ji bo NATOyê hat destpêkirin, dengdan pêk nehat.

Li gorî nûçeyên çapemeniya herêmî li Macarîstanê, parlementerên partiya desthilatdar beşdarî rûniştinê nebûn, civîna awarte ya parlementoyê ya ku ji aliyê parlementerên partiyên muxalefetê ve ji bo erêkirina endamtiya Swêdê ya ji bo NATOyê hate lidarxistin protesto kirin.

Dengdana pesendkirina beşdarbûna Swêdê ya NATOyê piştî endamên partiya desthilatdar a ku di meclîsê de ji sê paran duyan piraniya wan e, beşdarî civînê nebûn, hat taloqkirin.

Wezîrê Karên Derve û Bazirganiyê yê Macarîstanê, Peter Szijjarto, di 11 Tîrmehê de got, pejirandina Swêdê ya endamtiya NATOyê niha "tenê mijarek teknîkî ye".

Macarîstanê di 28ê Hezîranê de ragihandibû, rûniştina erêkirina endamtiya Swêdê ya NATOyê heta payîzê hatiye taloqkirin.