Kurdistan | 9 wefat û 157 pêketiyên nû yên Covid-19 hatin tomarkirin

PeyamaKurd – Wezareta Tenduristiyê ya Herêma Kurdistanê ragihand ku di nav 24 demjimêrên borê de 9 kesên din ji ber vîrusa koronayê can dane û 157 pêketiyên nû hatine tomarkirin.

Wezareta Tenduristiyê di daxuyaniya îro Yekşemê de eşkere kir; di 24 demjimêrên borî de 157 kesên din bi koronayê ketine û 9 kesan jî can daye

Herwiha wezaretê daye zanîn ku 370 pêketî jî baş bûne.

Bi van amarên dawî re hejmara mirinên ji koronayê li Herêma Kurdistanê gihîşt 6 hezar û 990 kesan.