Kurdistan | Hejmara mirinên rojane yên Covid-19 daket bin deh kesan

PeyamaKurd – Piştî demeke dirêj li Herêma Kurdistanê amarên herî kêm ên pêketin û mirinên ji nexweşiya vîrusa korona (Covid-19) hatin tomarkirin.

Wezareta Tenduristiya Herêma Kurdistanê ragihand ku di nav 24 saetên borî de 9 kesan ji ber nexweşiya Koronayê can dane û 248 kes jî pê ketine.

Li gorî daxuyaniya îro 3yê Kanûnê ya Wezareta Tenduristiya Herêma Kurdistanê, 248 kesên din di 24 saetên borî de bi koronayê ketin, 9 kes pê mirin û 177 kes jî baş bûn.

Bi van hejmarên dawî re li Herêma Kurdistanê hejmara pêketiyan gihîşt 97 hezar û 584 kesan, ya mirinan bû 3 hezar û 195 kes û heta niha 61 hezar û 203 kes jî baş bûne.