Li Colemêrg û Amedê hemû çalakî hatin qedexekirin

PeyamaKurd - Hate ragihandin ku piştî ji Şaredariya Colemêrgê re qeyûm hate tayînkirin û qedexeya hemû çalakiyan hate ragihandin li Amedê jî heman qedexe hatin ragihandin.

Piştî ku Şaredarê DEM Partiyê yê bajarê bakurê Kurdistan Colemêrgê Mehmed Siddiq Akiş hate desteserkirin û qeyyûl hate avêtin ser şaredariya vî bajarî, DEM Partî li ser van geşedana civîna awarte pêk anî û ragihand ku ew ê li ber hemû şaredariyên xwe dest bi çalakiyên nobedê bikin.

Piştî van geşedanan Parêzgariya Colemêrgê jî ragihand ku ji bo 10 rojan hemû çalakî hatine qedexekirin û li dû Parêzgariya Colemêrgê, Parêzgariya Amedê jî bi daxuyaniyeke nivîskî ragihand ku li Amedê jî heta 6ê Pûşperê demjimêr 23:59an (4 roj) hemû çalakî hatine qedexekirin.

Li gorî daxuyaniyên parêzgariyên Colemêrg û Amedê; hemû meş, xwepêşandan, civînên çapemeniyê, grev, vedana konan û çalakiyên rûniştinê hatine qedexekirin.

Seroka Koma DEM Partiyê ya Parlamena Tirkiyeyê Gulistan Kiliç Koçyîgîtê ragihandibû ku wê DEM Partî li ber hemû şaredariyên xwe dest bi çalakiyên nobedê bike.