Li Rojavayê Kurdistanê rewsa dawî ya vîrusa korona

PeyamaKurd - Li Rojavayê Kurdistanê, di 24 saetên borî de 7 kesên din ji vîrûsa Koronayê (Covid-19) can dan.

Hevserokê Desteya Tenduristiya Rêveberiya Xweser a li Rojavayê Kurdistanê Dr. Ciwan Mistefa amarên nû yên vîrûsa Koronayê belav kir û ragihand, 7 kesan can daye û 13 kesên din jî bi vîrusa koronayê ketine.

Hevserokê Desteya Tenduristiyê herwiha eşkere kir ku di nav 24 saetan de 8 kes jî ji nexweşiyê baş bûne.

Li Rojavayê Kurdistanê hejmara pêketinên koronayê gihîşt 8463 kesan, ya mirinan bû 296 kes û heta niha 1210 kes jî baş bûne.