Li Rojhilatê Kurdistanê 5 kes di bûyereke trafîkê de mirin

PeyamaKurd – Hate ragihandin ku li serê rêya Urmiye-Mehabadê ji ber bûyereke trafîkê 5 kes mirin û 3 jî birîndar bûn.

Hate zanîn ku li ser rêya Urmiye û Mehabadê barhilgirek û otomobîlek li hev qelibîn ku li gorî ragihandina Serokê Nexweşxaneya Urmiye Ferzîn Rezazade, 5 rêwiyên otomobîlê mirine û 3 kesên din ên di otomobîlê jî de birîndar bûne.

Hate diyarkirin ku rewşa du birîndaran xedar e.

Berpirsê Polîsê Rê û Pirên Urmiyeyê Reza Penahî daye zanîn ku ji ber xeletiya ajokarê barhilgirê qeza çêbûye.

Hêjayî gotinê ye, li Rojhilatê Kurdistanê ji ber sedemên rêyên xirabe û otomobîlên kevn her sal bi hezaran kes di bûyerên trafîkê de dimrin û birîndar dibin.