Mam Celal li Hewlêrê bi merasîmekê tê bibîranîn

PeyamaKurd – Serokê damezrîner ê Yekîtiya Niştîmaniya Kurdistanê (YNK) û Serokomarê berê yê Iraqê Celal Talebanî, di pêncemîn salvegera wefata wî de, li Hewlêra paytexta Herêma Kurdistanê bi merasîmekê tê bibîranîn.

Merasîma bîranîna Mam Celal li Salona Şehîd Seed Ebdula ya Hewlêrê bi beşdariya berpirs û nûnerên hikûmeta Herêma Kurdistanê, hikûmeta Iraqê û aliyên siyasî û hezkiriyên wî birêve diçe.

Di merasîmê de, kurê Celal Talebanî û Serokê YNKê Bafil Talebanî, Serokwezîrê Iraqê Mistefa Kazimî, Serokomarê Iraqê Berhem Salih, Serokê Herêma Kurdistanê Nêçîrvan Barzanî, Wezîrê Derve yê Iraqê Fuad Husên, Serokwezîrê Herêma Kurdistanê Mesrûr Barzanî û gelek kesayetên pilebilind beşdar in.