Moskow: Almanya xwe ji bo serê bi Rûsya re amade dike

PeyamaKurd - Alîkarê Serokê Konseya Ewlekariyê ya Rûsyayê Dmitriy Medvedev angaşt ku Almanya xwe ji şerê bi Rûsyayê re amade dike.

Medvedev li ser hesabê xwe yê medyaya civakî, belavbûna tomara deng a axaftinên efserên hêza hewayî ya Almanyayê nirxandinan kir.

Di tomara deng a axaftinên efserên Alman de efseran ji bo piştgiriya Ûkraynayê qala bi mûşekên Taurus têkbirina Pira Kirimê kiribûn.

Medvedev di derbarê hayjêhebûna Serokwezîrê Almanyayê Olaf Scholz ya ji axaftinên efserên Alman de de got: "Di dîrokê de pir mînak hene ku artêş, bêyî haydarkirinê dikarin li ser navê rêveberên sivîl biryarên destpêkirina şer bidin.

"Almanya xwe ji şerê bi Rûsyayê re amade dike"

Medvedev tinazan bi daxuyaniyên rayedarên Alman kir û wiha dom kir:

 "Ew ê bên û ji Scholz re bêjin: Birêz Serokwezîr, li Ûkraynayê mûşekek hatiye xistin. Li gorî cure û rêgeha wê, ev mûşek ji Berlînê hatiye frandin. Û wê Scholz çi bersivê bide? Ev pir eşkere ye. Ji ber vê yekê, nebêjin. Axaftina efserên BUNDESWEHRê (Artêşa Almanyayê) Hewldana nîşandana wek lîstika tang û mûşekan dereweke xerab e. Almanya xwe ji bo şerê bi Rûsyayê re amade dike."