Naveroka hevdîtina Trump û Erdogan eskere bû

Peyamakurd - Rayedarekî Koşka Spî ya Amerîkayê li ser sohbeta li Koşka Elîze ya Fransayê di navbera Serokê Amerîkayê Donald Trump û Serokomarê Tirkiyê Recep Tayyîp Erdogan de, daxuyanî da.

Rayedarê Koşka Spî ji Reutersê re ragihand ku Trump û Erdogan li ser mijara kuştina rojnamevanê Siûdî Cemal Kaşikcî axivî ne. Medya tirk jî îdia kiribû ku dê Erdogan di wê hevdîtina kurt de 8 dosyeyan radestî Trump bike.

Serokên gelek welatên cîhanê ji bo merasîmên 100 saliya peymana dawîanîna Şerê Yekem ê Cîhanê vexwendiyên Fransayê ne. Merasîmên bîranînê îro 11ê Mİjdarê li Fransayê birvê diçin.

Dûh Serokomarê Fransayê Emmanuel Macron û Serokê Amerîkayê Donald Trump li Koşka Elîzeyê hevdîtinek pêk anîbûn ku di wê hevdîtinê de bi taybet li ser rewşa Sûriyê-Idlibê axivîbûn û li ser berdewama têkoşîna dijî DAIŞê digel hevkariya hêzên kurdî anîbûn ziman.