Rapirsiya Spectrum House: Dengên CHP, DEM û AK Partiyê çiqas in?

PeyamaKurd - Navenda Raman û Lêkolînê ya Spectrum Houseyê, di navbera 1 û 9ê Cotmehê ya 2024an de li hinek bajarên Tirkiye û Bakurê Kurdistanê rapirsiyek pêk anî.

Di rapirsiya ku  bi 2 hezar û 235 kesan re hatiye kirin de,  CHP partiya yekem e, AK Partî duyem e û DEM Partî jî sêyem e.

Di rapirsiyê de ji beşdaran pirsa “Eger vê yekşemê hilbijartin bê kirin hûn ê dengê xwe bidin kîjan partiyê?” hatiye kirin.

Piştî rêjeya ji sedî 16,2 a bêbiryaran li ser partiyan hatiye dabeşkirin, rêjeya dengên partiyan wiha derketiye:

CHP: Ji sedî 33,5

AK Partî: Ji sedî 27,1

DEM Partî: Ji sedî 10,6

MHP: Ji sedî 9,5

Partiya Zaferê: Ji sedî 5,6

Yenîden Refah: Ji sedî 5,2

ÎYÎ Partî: Ji sedî 4,5

Di rapirsiyê ji sedî 58,5ê beşdaran xwestiye hilbijartina pêşwext bê kirin û ji sedî 41,5 jî nexwestiye.

Dîsa ji sedî 71,7ê beşdaran gotiye rewşa wan a aborî di saleke dawî de xirabtir bûye û ji sedî 16,4an gotiye neguheriye û ji sedî 11,9an jî gotiye rewşa wan a aborî baştir bûye.