Rojava | 5 kesan wefat kir û 199 kesên din bi koronayê ketin

PeyamaKurd – Li Rojavayê Kurdistanê û herêmên jêr deshilata Rêveberiya Xweser 199 kesên din bi koronayê ketin û 5 kesan jî wefat kir.

Hevserokê Desteya Tenduristiyê ya Rêveberiya Xwerser Dr. Ciwan Mistefa îro 15ê Nîsanê ragihand, di nav 24 saetên borî de 5 kesên ji ber koronayê mirine ku 2 kes li Tebqa, kesek li Hesekê û kesek jî li Qamişloyê ye.

Mistefa eşkere kir ku 199 kesên din jî bi koronayê ketine ku ew jî li Hesekê: 39, li Qamişlo: 57, li Dêrik: 35, li Dirbêsiyê: 4, li Kobanê: 16, li Reqa: 23, li Tebqa: 17 û li Minbic: 8 kes in.

Mistefa diyar kir ku 8 nexweşên koronayê jî baş bûne.

Bi van amarên dawî re hejmara pêketinan li Rojavayê Kurdistanê gihîşt 13 hezar û 203 kesan, ya mirinan bû 442 kes û heta niha hezar û 407 kes jî baş bûne.