Serokwezîrê Brîtanyayê Boris Johnson ji nexwesxaneyê derket

PeyamaKurd – Serokwezîrê Brîtanyayê Boris Johnson ku 7 roj in ji ber nexweşîya Covid-19 rakiribûn nexweşxaneya St Thomas a Londonê, îro bi başbûna tenduristiya wî re ew şandin mal.

Beriya ku Johnson ji nexweşxanê bê derxistin bi rêya Ofîsa Serokwezîrtiyê bi daxuyaniyekê ragihandibû ku rewşa wî baş e û spasiya doktor û hemşîreyan kiribû.

Nivîsgeha Serokwezîriyê ragihandibû ku wê Johnson çend hefteyên din vehese û di demeke nêzîk de venagere ser karên xwe.

Serokwezîrê Brîtanyayê 5 Nîsanê bi giranbûna rewşa wî re rakiribûn nexweşxaneyê û tedawiya oksîjenê li nexweşxanê standibû.

Li Brîtanyayê heta niha nêzî 80 hezar kes bi vîrusa koronaya nû Covid-19 ketine û ji wan 9 hezar û 875 kesan jî can daye.