SOHR: Bi kemînên DAISê 10 leskerên sûrî û milîsên îranî hatin kustin

PeyamaKurd - Di encama operasyonên hêzên rejîma Sûriyê yên Dêrazor-Humisê de, bi mayînên DAIŞê 10 leşker û çekdarên ji hêzên rejîma Sûriyê yên milîsên îranî hatin kuştin.

Çavdêriya Mafên Mirovan li Sûriyê (SOHR) ragihand ku doh sibehê komên Lîwa El-Quds û Feyleqa 5an ên Îranî li çolistana Sûriyê dest bi operasyoneke ewlehiya rêya Dêrazor-Humisê kirine ku dema operasyonên gelek caran rastî kemînên DAIŞê hatine û mayîn bi wan de teqiyane.

Li gorî zanyariyan balafirên şer ên Rûsyayê jî piştgirî dane operasyona ku ji Kebacib û El-Şola yên rojavayê Dêrazorê û heta El-Sexneyê hatiye destpêkirin.

SOHRê ragihand ku di 24 saetên dawî de 10 endamên hêzên rejîma Sûriyê û komên alîgirên wan bi mayinên çekdarên DAIŞê li herêma El-Tîba ya girêdayî El-Sexne ya rojhilatê Humisê hatine kuştin.

Balafirên şer ên Rûsyayê li sêgoşeya Hema-Heleb-Reqayê zêdetirî 40 êrîşên asîmanî li dijî bingehên terorîstên DAIŞê pêk anîne ku hê jî tevgera balafiran berdewam e.