SOHR: Di êrîsa Îsraîlê de 6 leskerên Sûrî hatin kustin, 10 kes jî birîndar bûn

PeyamaKurd - Çavdêriya Mafên Mirovan li Sûriyê (SOHR) li ser êrîşa bi fuzeyan a Îsraîlê li gundewarên Şamê ragihand ku 6 leşkerên Sûriyê hatine kuştin.

SOHRê daye xuyakirin, artêşa Îsraîlê duh bi şev bi moşekan êrîşî gundewarên Şamê kiriye û di encamê de 6 leşkerên hikumeta Şamê hatine kuştin ku 3 sûrî ne û 3 jî biyanî ne.

Herwiha hatiye diyarkirin ku 10 kesên din jî di êrîşê de birîndar bûne.

Hêjayî gotinê ye, duh bi şev artêşa Îsraîlê bi moşekan nivîsgehên îstixbaratê û nivîsgeha efserekî payebilind û erebeyek li herêma balafirgeha Mezê ya leşkerî jî kiribûn armanc ku moşek nêzî benda ewlehiyê ya li derdora balafirgeha leşkerî û rêya Mezê û depoya çekan a komên îranî yên li dora herêma Seyide Zêneb ketibûn.

Îsraîl ji destpêka sala 2022yan ve 18emîn car in ku êrîşî armancên li Sûriyê dike.