Sûdanî ji bo biryarên Dadgeha Federal komîteyekê ava dike

PeyamaKurd - Serokwezîrê Iraqê Mihemed Şiya Sûdanî, ji bo pêdaçûna biryarên Dadgeha Federal a Iraqê, komîteyekê ava dike.

Nivîsgeha Ragihandinê ya Serokwezîrê Iraqê da xuyakirin, Serokwezîr Mihemed Şiya Sûdanî ji bo avakirina komîteyeke pêdaçûnê di projeyasaya Dadgeha Bilind a Federalî de, Şêwirmendê Karûbarên Destûrî erkdar kir ku hikûmetê di sala 2015an de amade kiribû, lê nehatibû pesendkirin.

Hate diyarkirin, hikûmetê projeyasayek amade kiriye û hewl daye pêdaçûnê di hinek deq û babetan de bike ku di xulên berê yên Parlamentoya Iraqê de, cihê nerazîbûnê bûn.

Sûdaî da zanînt ku ev projeyasa di warê naverokê de, hatiye pêşxistin û destnîşan kir, Hikûmet cidî ye ku bi hemû hêzên siyasî û niştimanî re derbarê vê projeyasayê de şêwirê bike.

Hêjayî gotinê ye, Dadgeha Bilind a Federalî ya Iraqê, gelek caran biryarên ku dibin sedema aloziyan dide ku tê gotin, di bandora Îranê de wan biryaran der dide.