Swêd: Em destûra xwepêsandanan didin, ne ya sewitandina Qûranê

PeyamaKurd -  Wezareta Derve ya Swêdê ragihand ku, ew destûrê didin xwepêşandan û kombûnan, lê destûra sivikatî kirin û şewitandina Quranê nadin.

Wezareta Derve ya Swêdê bersiv daye pirsên K24ê û daye zanîn, hejmareke kesên tundrew û provokator dixwazin derzê di navbera Misilman û nemisilmanên Swêdê de ferqekê çêkin, lê ew li dijî sivikatîkirina bi Quranê û pirtûkên din ên olî ne.

Wezareta Derve ya Swêdê bersiv da pirsên li ser encamên şewitandina çapeke Quranê û ala Iraqê li ber avahiya Balyozxaneya Iraqê ya li Stockholmê, dersînorkirina Balyozê Swêdê li Bexdayê û pêwendiyên navbera Iraq û Swêdê.

Wezareta Derve ya Swêdê diyar kir: “Haya me ji daxuyaniya Hikûmeta Iraqê heye ku daxwaz ji Wezareta Derve kiriye ku Berpirsê Karûbarên Balyozxaneya Iraqê ya li Stockholmê vekişîne û daxwaz ji Balyozê Swêdê kiriye ku ji Bexdayê derkeve. Balyozê Swêdê niha li Stockholmê ye. Em bi rayedarên Iraqî re di pêwendiyê de ne û hevdîtinên me berdewam dikin.”

Wezaretê bibîr xist, “Roja Pêncşemê (20.07.2023) Wezîrê Derve yê Swêdê daxuyaniyek da û got, Hikûmeta Swêdê bi tundî karên nerewa yên çend kesan ku di dema xwepêşandanan de kirine, şermezar dike. Hikûmeta Swêdê gelekî nîgeran e ku hejmareke tundrew û provokator dixwazin di navbera Misilman û nemisilmanên Swêdê de derzekê çêkin.

Sivikatîkirina li Quranê yan jî pirtûkeke din ya pîroz, kiryareke êrîşkarane, bêrêz û provokasyoneke eşkere ye. Li Swêdê cihê nîşandana nijadperestî, tirsa ji biyaniyan û kiryarên bi vî rengî nîne.”

Herwiha Wezareta Derve ya Swêdê da zanîn, “Deshilatên me serbixwe ne û biryarên serbixwe didin. Desthilatdariya polîs destûrê dide kombûnên giştî, lê rê nade ku sivikatîkirin li Quranê an pirtûkeke din a olî were kirin.

Destûra lidarxistina xwpêşandanan di yasaya giştî ya Swêdê de hatiye birêkxistin. Desthilatdariya Polîsa Swêdê jî lêkolînê li ser daxwaznameyên ji bo destûra xwenîşandanan dike.”