Tirkiye | Di hefteyekê de zêdetirî hezar koçber hatin dersînorkirin

PeyamaKurd - Serokatiya Saziya Koç û Koçberan a Wezareta Navxwe ya Tirkiyê eşkere kir ku ji 1ê Çileya 2023yan heta 5ê Çile hezar û 28 koçberên neyasayî hatine dersînorkirin.

Li gorî daxuyaniyê, di vê hefteyê de hezar û 983 koçber ji aliyê hêzên ewlekariyê yên Tirkiyê ve hatine desteserkirin ku 578 kes ji wan Afgan, 41 Pakistanî û hezar û 364 koçberên din ji welatên din bûn.

Hatiye diyarkirin ku ji hezar û 28 koçberên di nav hefteyê de hatine dersînorkirin, 477 ji wan Afganî, 11 Pakistanî û 540 koçber jî ji welatên cuda bûn.

Li gorî amarên Serokatiya Koç û Koçberan,  di nav hefteyê de jî 1889 koçberên derbasî nav axa Tirkiyê bûne hatine desteserkirin û niha li navendên dersînorkirinê 20 hezar û 497 koçber hene ku piraniya wan Afganî û Pakistanê ne.