Wesangerên Kurd li dijî tayînkirina qeyûm daxuyanî dan

PeyamaKurd - Yekîtiya Weşangerên Kurd ku li Bakurê Kurdistanê û Tirkiyê xebatê xwe dimeşîne, li dijî biryara tayînkirina qeyûm bo şaredariya Colemêrgê daxuyaniyeke hevpar belav kir.

Yekîtiya Weşangerên Kurd ragihand, di hilbijartinên herêmî yên 31ê Adarê de, li Colemêrgê wekî hevşaredar li ser navê DEM Partiyê Mehmet Siddik Akiş û Viyan Tekçeyê hatine hilbijartin û 3yê Hezîrana 2024an bi hinceta lêpirsînekê Mehmet Sidik Akiş hatiye desteserkirin û dewletê, waliyê Colemêrgê wekî qayûm li şaredariyê tayîn kiriye.

‘Îradeya gel di ser her tiştî re ye’  

Daxuyaniya Yekîtiya Weşangerên Kurd wiha ye: “Em wekî Yekîtiya Weşangerên Kurd vê helwesta şaş a ku vîna gel, hiqûq û edaletê binpê dike qebûl nakin.

Divê dewlet vê biryara şaş demlidest bi paş ve vekişîne û li ser navê Colemêrgiyan hevserokên ku wan hilbijartiye, birêz Mehmet Siddik Akiş û Viyan Tekçe vegerin ser karê xwe û wan temsîl bikin. Îradeya gel di ser her tiştî re ye.”  

Weşanên endamên Yekîtiya Weşangerên Kurd:

Weşanên Ar

Weşanên Lîsê

Weşanên Sîtavê

Weşanên Aramê

Weşanên Ma Muzîkê

Weşanên Sorê

Weşanên Aryen

Weşanên Morî

Weşanên Tevnê

Weşanên Avayê

Weşanên Nayê

Weşanên Wardozê

Weşanên Avestayê

Weşanên Nûbiharê

Weşanên Weqfa Mezopotamyayê

Weşanên Belkîyê

Weşanên Pallê

Weşanên Zîlan Akademî

Weşanên Darayê

Weşanên Payîzê Weşanên Zîzê

Weşanên Dengê

Weşanên Peywendê

Weşanxaneya Azad

Weşanên Doyê

Weşanên Ronyayê

Weşanxaneya Lûvîyê

Weşanên Dozê

Weşanên Roşnayê

Weşanxaneya Ronî

Weşanên Enstîtuya Kurdî ya Stenbolê

Weşanên Rûpelê

Weşanxaneyê Vateyî

Weşanên J&Jyê

Weşanên Sarê

Weşanên Kurdistanê

Weşanên Sîdarê