Zaxo | Di encama topbarana artêsa Tirkiyê de du bira birîndar bûn

PeyamaKurd – Artêşa Tirkiyê îro gundekî nahiya Derkarê li qezaya Zaxoyê topbaran kir û di encamê de, du bira birîndar bûn.

Rêveberê Nahiya Derkarê Edîb Cafer diyar kiriye, ji ber tevgera PKKê li wê deverê, artêşa Tirkiyê wê deverê topbaran dike.

Edîb Cafer daye zanîn: “Îro di saet 2:30an de, topek li nêzîkî gundê Bihêrê ket û du birayên ku şivantî dikirin birîndar bûn. Birîna yekî ji wan giran e û ji bo nexweşxaneya Harwarhatinê ya Duhokê hat veguhestin.”

Herwiha rêveberê Nahiya Derkarê jî destnîşan kiriye: “Ji ber şer û aloziyên di navbera PKK û Tirkiye de, rojane gundên devera me tên topbarankirin û rêyên nêzîkî 20 gundan hatine girtin.”

Hêjayî bibîrxistinê ye, do jî di encama topbarana Tirkiyê li ser baregehên PKKê li devera Kanî Masî de, welatiyek birîndar bûbû û gundekî din jî vala bû.